في هذي الصيفية قررت أستفيد من وقتي وأدخل دورة نافعة لكن أحترت لأن مطلوب مني تحديد مسار واحد ادخله بين هالمسارات (عقيدة،حديث، تفسير) وش ترى الافضل؟ وفيه فقه عبادات بس أرى نفسي في الخيارات الأولى أكثر
تراي عامّي، لكن لو إنك عامّي زيي أشوف أن التخصص توّه، احرص على المتون الأولى كثلاثة الأصول والأربعين النووية والبيقونية وكتاب التوحيد والآجرومية، عندنا يحفظهن طالب العلم قبل كل شيء ويراجعهن مع المشايخ، وطبعا لا يُنسى القرآن، هو أولى منهن
تعرف شلون الشخص يتعلم الانقليزي من الصفر؟ لو كان ما درسه لا بالمدرسه ولا الجامعه
يقرأ كتب أطفال ويترجم ثم يحاول يفهم يوميًا، أيضا يسجلهن بورقة ثم يحفظهن ويكررهن 15 مرة(أفضل 30 لأن الكلمات عادةً شويات) ثم بكرا يكرر الجدول لكن يعيد محفوظه من الكلمات، وهكذا، يحفظ ويكرر 30 مرة ويعيد محفوظه السابق كاملًا. كتب الأطفال كثيرة اسأل شات جبت للمزيد منهن، هذي بعضهن: المستوى الأول: للمبتدئ جدًا (A1) Oxford Reading Tree – Stage 1–3 مثال: Kipper’s Balloon, The Lost Teddy Usborne Very First Reading مثال: Double Trouble, The Dressing-Up Box Sight Words Readers
قال معاوية في تويتر: رسالة لمطور الموقع: ليش كل مرة أدخل الموقع لازم أسجل دخولي؟ تعبت يا حبيبي المفروض أسجل مرة وحدة وكافي (هو يعاني من هذي المشكلة، أنا ما عانيت منها)
بس أرجع البيت وأمدد فترة الكوكي
فيه مصادر عربية كويسة لتعلم البرمجة؟ والبرمجة في إيش تفيدني؟
ايه، شف أبا هدهود programmingadvices.com وموجود باليوتيوب، هو أفضل واحد أعرفه
لازال به خطاب كثير بس البنات بذا الزمن كثروا والخيارات تعددت ولا شكثرها الزواجات الحين بذي السنه بس اقاربي ٧ بنات تزوجوا وولد واحد
ايه الحريم يتزوجون بس الرجال قليل
يجلس مع أهله توه على الزواج وش معجله عليه وإذا قلنا بيتزوج وعمره ١٧-٢٠ كم بيصير عمر البنت؟ ١٥؟ مرة صغيرة مسكينة توها على الزواج الزواج فيه صعوبة ومسؤوليات كثير لا نقيس على زمن أول كانوا منحدين وشفهم إلى وقتنا الحالي كبار السن يقولون معاناتهم
ما عليهم إن شاء الله، نربيهم ونخليهم رجال ونجيب له السنعة🤲🏻
عاد مو زين من سن البلوغ أفضل شيء بعد ما يتخرج من الجامعة ويتوظف يصير فاهم ومأسس نفسه من تالي صار فيه اختلاط أنساب وبعضهم صار قبيلي يتزوج خضيرية والعكس بس ما أتقبل هالشيء والأغلب زيي
١-إلا زين، وش يسوي بروحه كل هالسنين؟ على كذا ما فرقنا عن الآباء حاليًا ٢-ولا أنا أتقبل اختلاط الأنساب لكن هل فيه شيء بالشريعة يحرّمه؟ لا.وهل هو معطّل ناس عن الزواج؟ ايه.
برضو الرجال صار حتى لو عندهم مقدرة ووظيفة وكفاية مالية ما يشوفون للزواج أولوية بل صاروا متجهين للعمل والتجارة أكثر
هذا اللي ما أفهمه والله، وأحيانًا أتهمهم، لكن التأخير بالزواج قليل، والقليل هذا موجود من أول؛ مثل الإمام أحمد رحمه الله: ما تزوج إلا بالأربعين لأنه انشغل بالعلم، وشتّان بين شغله وشغلهم. عموما هي أرزاق لكن يبي لها وقفة مجتمعية والله، أنا عيالي إن شاء الله أول ما يبلغون سأسعى في تزويجهم. بالنسبة لمعطّلات الزواج، فيه سبب آخر ألا وهو تقسيمة المجتمع، قبلي حضري عبد، هذي معطلة ناس كثير ولولاها لتزوج خلق كثيرون.
كيف سبيل إلى الوصول للزواج؟ ليه ما عاد فيه خطّاب كثير زي أول؟
العيال طفرانين وآباء البنات خايفين على بناتهم من الفقر، حتى لو الرجال بيتزوج احتمال أهله يمنعونه بحجة أن توّه على الزواج وأنه طفران ولا توهق بنت الناس. مع أن الناس لهم 1400 سنة عايشين كذا لكن مدري وش بعقولهم... أيضا أهل البنت يبون البنت تدرس عشان تصير ند لرجلها وما تتوهق معه، ماخذين الشغلة ندية أكثر من البنت. أيضا سابقًا الآباء يزوجون عيالهم وهذا يحصل كثير أول، لكن الحين قلما تجد أب يزوج ولده، مع أن المال أكثر من أول... مشاكل مجتمعية كلها تدور حول الطمع والرغبة بالترف وشوفت عينك وين وصلنا هالطمع والرغبة بالترف، أما عن الحلول فاجتهدوا بالدعاء وطلب الرزق من أبوابه واتركوا المعاصي. والأخذ بحديث التوكل: (..ولو اجتمعوا على أن يضروك بشيء لم يضروك إلا بشيء قد كتبه الله عليك..)
الله يرزقك من حيث لا تحتسب شكرا
وإياك أُخَيّتِي